32.5C「蜜桃胸」陳庭欣（Toby）喜歡挑戰自己，在新劇《踩過界》扮演跨性別人士，搞到變成女兒頭男兒身，Toby自言拍這場戲穿得很少，因而尷尬萬分，為免狂NG，惟有豁出去！

「尷尬程度10分有8分」

近日熱播劇《踩過界》中，Toby演繹跨性別人士，是一個女兒頭男兒身的人，為了配合後期製作，Toby拍攝期間都是穿著很少衣服，她直言非常尷尬：「尷尬程度10分有8分，而且現場有好多路人圍住。不過為咗少啲NG，都冇諗咁多，結果出嚟效果好驚訝。」Toby更指這次拍攝尺度其實已經是她的底線：「畫面上其實已經係底線，對自己嚟講都好大挑戰，自己都盡量投入，希望唔會嚇親屋企人。」而她亦指只要有好角色，都不會理任何底線。

男朋友必須愛屋及烏

事業上Toby願意豁出去，但每當下班，返屋企見到小情人，所有煩惱一掃而空。Toby表示自小有養動物的習慣，而長大後機緣巧合下，她先後養了兩隻「愛情鳥」，其後她再養了一隻月輪鳥Shabushabu，而Shabushabu剛剛一歲大了。Toby日前更帶同Shabushabu一起遊旺角雀仔街，見下世面，她們更「伸脷」玩錫錫，大曬「人雀戀」。而Shabushabu更是Toby的樹洞，有任何秘密Toby都會跟牠分享。Toby亦指有了三隻雀仔後，更加黐家，所以她現在的擇偶條件必須喜歡牠們：「當然要鍾意我三隻雀仔啦，起碼要同佢哋相處到，因為佢哋都仲有十幾年命。」

叫小朋友唔好學

Toby以毛巾捲身的造型埋位，拍攝現場有途人圍觀，當中更有小朋友，Toby說：「尷尬呀！原本以為喺上一個location拍，嗰度冇乜人，呢度就人來人往啲，仲有小朋友同我打招呼，佢哋心目中，我就係《東張西望》入面嘅主持人，好正氣，我惟有同佢哋講：『唔好學我，做壞事會被人拉架！』」

問到怕不怕XX？Toby說：「我著咗3條打底褲，3件打底top嚟，平時出商場活動著裙仔會著1件打底，今日要乘3！咁服裝同事都做咗好多安全功夫嘅！演出時我就投入咗，當正自己係男仔，冇諗咁多。」

本篇文章摘取自網絡