唔少人都覺得近年選美節目沒甚睇頭，三甲佳麗都難令人留下深刻印象，應屆港姐冠軍係好具爭議性的雷莊，咁應屆華姐冠軍餘思霆你又記不記得呢？話說餘思霆早前決定簽約大台，近日獲派第一份工作，就係同陳凱琳、陳芷尤及陳婉衡等人拍攝旅遊節目《玩轉新加坡無限式》，期間大曬泳衣大合照，你話邊個最正呢？

餘思霆 應屆華姐冠軍

來自紐約的餘思霆有著健康膚色及豐滿身材，加上陽光燦爛的笑容，如同一個活潑可愛美國女孩！喺華姐決賽第二環節中，餘思霆戴上頭飾、手持火把扮演自由神像，再加上性感低胸裝及甜美笑容，令人難忘！之後又表演難度甚高的花式直排輪溜冰，儀態萬千，最終力壓林宣妤及馮盈盈成為國際中華小姐冠軍！

餘思霆旅遊節目曬身材

加入TVB的餘思霆近日與陳凱琳、陳芷尤及陳婉衡等人拍攝旅遊節目《玩轉新加坡無限式》，期間大曬一張五位美女的泳衣大合照，陳芷尤導彈身材勁吸睛，不過餘思霆、陳婉衡及宋雙佳都唔輸蝕，谷到行曬事業線。最驚喜都係嘉穎嫂陳凱琳，罕有地同樣以三點式現身，不過就巧妙地用飲品遮一遮心口，不至被比下去！

其實除咗曬身材，餘思霆首次做外景主持，同時感性地多謝一眾幕後人員及幾位拍檔，其中寫到：「真的覺得自己好幸運有一個這麼美好的開始，但我也知道將來的路會很辛苦。 這趟旅程將會是我這輩子都不會忘記的旅程。」另外又逐一點名多謝陳芷尤、陳婉衡及宋雙佳。

餘思霆網上派福利

有好身材就唔怕曬，餘思霆不時都會喺社交網站po泳衣照，正呀！

將來應該大把機會見到餘思霆～

本篇文章摘取自網絡